Jowai: Ka Elaka Maskut ynne ka sngi da yoh ko ya u Dolloi thymme wa tip pyrtuid u kam u Phrangki Rynjah deiwa pynrem u ya u Donbhalang Rynjah da 20 vote. Kini ki ar ngut ki kyrtong toh kiwa chi payu arbei.
Waroh da poi ki vote 67 tylli na ka 71 heiwa ka wi da chah kyntait ko. U Phrangki da yoh u 43 vote katwa u Donbhalang da yoh u 23 vote. Ka ñiaw vote da pyndep hapoh 15 minit donhi.
U Dolloi wa thymme hei yaklam u wa kiwa thoh khubor da ong u wa u synchaar u ya ki khon ka elaka kam wa da yah ka riti dustur na warim.
Hei yatoh wa thrang wa angnood ka dorbar chnong Mookyndur wow pynyabi wow psiah cha kani ka elaka, neiliang u Phrangki da ong u wa yeini daw chong pyrkhat ka dorbar elaka.
Discussion about this post