Da u: Refil Sari
U pood u ang ka jylla yong i,
Uwa da chah tooh, la jan man-ka-sngi.
La 49 tylli ki snem wa da dep da lai,
Wa da yoh ya ka jylla hakhmat ka pyrthai.
Aa ki khon hiwot ka ri wa ya im jinjar,
To bei sorkar, sñiawbha ya chong bichaar.
Ham kut hi-eh du kat i ktien,
Bichaar deiwa khooid wa hok nadooh mynsien.
Jan da ya yoo hi phi, dei khmat i yong phi,
Ki bru yong i cha chnong khappood wa im jinjar ki pli.
Da toh i por u ya pyrkhat phi mo yong i,
Yow chongsuk chong saaiñ ki khon ka ri.
Lyngba i ni i poetry kwah O pynsñiaw ha phi,
Aa bei sorkar ham ya chong kli-kti.
Pyrkhat yong waheh noh, da toh i por ya phi kattu,
Yow suk yow saaiñ yong i hi ki bru.
