Jowai: Kam chibynta wow booh yaki kyndon yada yow bood yaka Social Distancing yow lait ka khlam COVID-19 wow poor chapoh ka West Jaiñtia Hills District, kamjooh hapoh ka jylla Meghalaya, deiwa bood thij yaki kyndon wa da booh daka Health & Family Welfare Department ka sorkar jylla, u District Magistrate ka West Jaiñtia Hills District, Jowai da pynmih hukum u ynne ka 18 tarik hapoh ka 144 Cr. P.C. deilang waka Regulation 3 ka Meghalaya Epidemic Diseases, COVID-19 Regulations 2020 yow pynmih hukum yaki kaam wym hoi u leh ha waroh kawi ka District ki wow krehkaam nadooh ka 18th July, 2020 nadooh 5:00 waje i step hadooh 9:00 waje i miet man ka sngi.
Kani ka hukum da khang ko yei lai na kawi ka jylla cha kawi, u wai yaki thaw uiñke suwari, ki Gym, ki madan yalehke, ki jait yalehke wa yabi wa ya tyngkhooh uwi ya uwi wei wow chah u wan paitke ki bru, ym pu chah wow wai ya ki thaw mane Blai, ki yalang yong niam, waroh ki jait yalang paidbah, ym chah leh wow mih cha ki thaw paidbah khlem da deiñ Mask. Ym chah leh yaki bru wa da palat 65 snem kiwa chitom, ki kynthai wa punkhon wa ki khynnah wa hapoh 10 snem wow mih ki cha lait, lait nei wa lai emkaam wow chah sumaar lane ki kaam wa yatoh wa i chait i khiah. Da khang leh wow mynthu ha ki thaw paidbah, i dih kiad, i baam kwai, baam duma wa kiwi kiwi ha ki thaw paidbah, da khang leh wow chong dai haki thaw paidbah. Da khang leh yei pynyap yaki doh um deiwa pynemkaam da ki Dynamite lane i bih hapoh ka District.
Kani ka hukum ym krehkaam ko ya ki thaw sumaar kam ki Out-Patient Departments (OPDs) wa ki Medical Clinics tangwa hap ki wow leh yaka Social Distancing wa kiwi de ki laad yada. Ka hukum ym krehkaam ko leh yaki bru chipai (Security Forces), Medical Teams on duty, Wholesale & Retail Pharmacies, Police & Armed Forces, Fire & Emergency Service, MeECL & Power Grid, Food & Civil Supplies Department & FCI, Jowai Municipal Board, Telecom, Communications & IT Services wa Common Service Centre (CSC), Print and Electronic Media, ki wakreh sorkar kiwa leh yei kaam yong ki, Banks & Treasuries, PHE, AH & Veterinary, Agriculture & Horticulture, C&RD wa Meghalaya State Pollution Control Board (MSPCB).
Kiwa da heh rta kiwa em 60 snem chaneiñ leh lait ki na kani ka hukum wei emkaam ki wow rah du yaka Photo ID Card yow pynsakhiat yei rta yong ki wei ym emkaam ki wow yaleh wow yoh yaki Pass.
Ya kiwa lai na kawi ka jylla cha kawi emkaam ki wow yoh yaka Inter-State Transit Pass kawa e da u Deputy Commissioner, West Jaiñtia Hills.
I wai yaki dukan dang neh ki kamjooh kamwa da pynbait nadooh ini wa dep kamjooh ki yaw ki haat kiwa da chah u wai hadooh ki Restaurant, ki dukan ja dukan cha.
Ki thaw chna kari leh dang man i jooh i rukom chah wow wai yaki.
Yaki karkhana, i thih moo, tih moochuni da chah ya kitu kiwa da yoh bor wow leh kamjooh kiwi ki kaam kam i chna yung, kaam rep wa kiwi kiwi kiwa da chah chwa.
I rukom kamai kari kamjooh i mih i lai ki kari ki bru samen dang man ki kamjooh.
Kini waroh hap ki wow bood yaki kyndon wa da booh yow yada nei poor ka khlam COVID-19. Ya kiwa leh pyrchah daw pynchitom yaki katkam ki kyndon ka Section 51(b) ka Disaster Management Act 2005.
