Ka District Magistrate ka East Khasi Hills District da pynmih hukum ko ynne ka sngi yow pynkylla ya ka hukum pynman Curfew ha sor Shillong wa ki thaw khap sor heiwa daw pyndam ya ka Curfew nadooh 5:00 waje i step hadooh 4:00 waje i sngi ka 18 tarik uni u bnai wei daw krehkaam biang ko nadooh 4:00 waje i sngi ha ka jooh biang ka sngi hadooh wa pynmih hukum da kamwi.
Ha kini ki por wa pyndam ya ka Curfew da chah wow wai ki dukan dai marbaam hadooh 3:00 waje i sngi. Wei lada em biang i pyndam ya ka Curfew, daw chah u wai ki dukan nadooh 9:00 waje i step hadooh 3:00 waje i sngi nadooh ka 18 tarik hadooh ka 21 tarik uni u bnai.
Ki yung krehkaam ka sorkar jylla, ka sorkar pyrdi, ki Bank, ki yung krehkaam ki thaw puræ wa ki yong ki bru samen u wai ki hadooh 3:00 waje i sngi deiwa em 30% ki bru wakreh. Ya waroh kiwa emkaam ki bru ha ki Bank toh u pyndep heipor 1:30 i sngi.
I lai hapoh ka District wa cha kiwi ki District u chah du ya kiwa em Pass donhi.
Ym chah wow pynman ya kiwon ki yalang paidbah, ki lai paidbah wa kiwi kiwi.
Nadooh ka 4:00 waje ka 18 tarik, ym chah wow lai ki kari lane wow mih ki bru cha lait, ki yung krehkaam, ki dukan, ki thaw puræ u man ki kiwa khang, ym chah leh wow pynman ya kiwon kiwon ki yalang paidbah, ki lai paidbah wa kiwi kiwi.
U chah du ya kiwa lai ya ki kaam sumaar, ki kaam wa yatoh wa u COVID-19, ki wakreh ha ki Hospital, ki sahep wa ki wakreh ka DIPR, kiwa leh ya ki kaam Municipal, ka MeECL, ki laad pathai khubor kiwa da yoh ya ki Pass naka DIPR wa ki Pharmacy.
