Khliehriat: Kam chibynta wow yada nei poor u khñiang COVID-19 hapoh ka East Jaiñtia Hills District, u District Magistrate, East Jaintia Hills District, Khliehriat hapoh ka Section 144 CrPC deilang waka Regulation 3 ka Meghalaya Epidemic Diseases COVID-19 Regulations, 2020 kamjooh ki kyndon Guideline No 5(1) ka hukum ka sorkar India lyngba ka Ministry of Home Affairs, da pynkrehkaam yaka Night Curfew ha waroh ka East Jaiñtia Hills District nadooh ka 27th July, 2020 hadooh wa pynmih hukum da kamwi hapyrdi 9:00 PM hadooh 5:00 AM man-ka-sngi.
Kani ka hukum ym krehkaam ko ya ki Security Forces, Medical Teams on duty, Wholesale & Retail Pharmacy, Police & Armed Force, Fire Emergency Service, MeECL, NEEPCO & Power Grid, Food and Civil Supply Department, FCI, Public Works department (PWD), Public Health Engineering (PHE) Department, Postal Service Telecom, Communication & IT Services, Press, Print & Electronic Media, Petrol Pumps, ki kaam kam ki Health Services wa Online/Home Food Delivery, ki karkhana wa da yoh bor (Spare Parts Dealership) ka Health and Family Welfare Department ka sorkar Meghalaya waki wakreh sorkar kiwa leh yei kaam yong ki.
Kini waroh hap ki wow bood yaki kyndon ka Social Distancing, u pynduna ya ki bru wakreh yong ki wa kiwi de kiwa da phah ka sorkar lyngba ka Health and Family Welfare Department, khlem pep.
Chah hi leh yei lai ki kari wa kit yei mar wa emkaam, ki chipai, ki tair sumaar sukher wa ki thaw chna Truck wa em ha ki sarok-bah. Tangwa kiwa yah Truck wa kiwa yarap yaki hap ki wow leh yaka Medical Screening katkam ki kyndon.
Yaki Curfew Pass neibynta i por wa haap hapoh 9:00 PM hadooh 5:00AM nadooh 27th July, 2020 (Monday) ye wow yoh lyngba ka Offline Application deiwa lai cha yung krehkaam u DC deiwa rah lang waka Certificate na u waheh chnong kawa pynsakhiat yeiwa emkaam ki.
