Jowai: U District Magistrate, ka West Jaiñtia Hills District kam chibynta wow yada nei poor ka khlam u COVID-19 kamjooh yow bood yaki kyndon wa da booh daka chnat i chait i khiah, da pynkrehkaam u yaka Night Curfew katkam ki kyndon ka Section 144 CrPC, deilang waka Regulation 3 ka Meghalaya Epidemic Diseases, COVID-19 Regulations, 2020 deilang waka Guideline No.5 ka hukum wa pynmih haka 1st May 2020, daka sorkar India lyngba ka Ministry of Home Affairs.
Ka Night Curfew toh kawa krehkaam ha waroh kawi ka West Jaiñtia Hills District nadooh ka 18 tarik uni u bnai, 2020 hadooh wa pynmih hukum da kamwi.
Kani ka Night Curfew u krehkaam ko nadooh 9:00 waje i miet hadooh ka 5:00 waje i step man-ka-sngi.
Kani ka Curfew ym krehkaam ko ya ki wakreh sorkar wa em Duty, ki Security Forces, Medical Teams wa em Duty, Wholesale & Retail Pharmacies, Police & Armed Forces, Fire & Emergency Service, MeECL, NEEPCO & Power Grid, Food & Civil Supplies Department, FCI, PWD, PHE, Jowai Municipal Board, Postal Service, Telecom, Communications & IT Services, Press, Print and Electronic Media, Petrol Pumps, Essential Services namo ki jait kaam wa ym hoi u dam kam ka Health Services wa Online Food Delivery, ki karkhana (Workshops) wa ki dukan dai Spare Parts Dealerships wa da jied neibynta ka Health & Family Welfare Department.
Ya kiwa da heh rta kiwa em 60 snem chaneiñ ym emkaam ki wow yoh yaki Pass lane ki Curfew Pass tangwa hap ki wow rah yaki Photo ID deilang wa ki yow pynsakhiat yei snem yong ki hawa lai ki yeiwa emkaam ki.
Kini waroh emkaam ki wow bood thij yaki kyndon sorkar khamtam hei wow yajngai uwi na uwi (Social Distancing), i pynduna yaki bru wakreh kamjooh kiwi ki kyndon wada booh daka chnat Health and Family Welfare khlem pep.
Da pynlait leh ya ki kari wa kit ya ki mar emkaam, kiwa kit chipai, kit dawai, ki thaw chna truck ha ki sarokbah tangwa kiwa yah kari kamjooh kiwa yarap yaki hap ki wow leh yaka Medical Screening katkam ki kyndon.
Ya ki Curfew Pass hapyrdi 9:00 waje i miet hadooh 5:00 waje i step nadooh ka 18 tarik hadooh wa da pynbna da kamwi ye u yoh Online deiwa lai haka www.megedistrict.gov.in www.westjaintiahills.gov.in.
Ki paidbah toh u bood ki yaki kyndon Social Distancing deiwa yajngai uwi na uwi da chi meter (6ft), ym toh u ya psiah khynnia du ha iwi i thaw næ i dukan, ym hoi u dam u deiñ Mask, ym toh u mynthu kat cha wa yoh haki thaw paidbah, u ya krehlang waki bor District, ki pulit wa ki waheh chnong.
Ya kiwa leh pyrchah daw pynchitom katkam ka kyndon Section 51(b) ka Disaster Management Act, 2005.
