U District Magistrate ka West Garo Hills da pynmih hukum u wow pteiñ biang wow kdoh u khoom namo wow pynkrehkaam ya ki Containment Measures ha ka chnong Tura nadooh 5:00 waje i step ka 10-05-21 hadooh 5:00 waje i step ka 17-05-21 kam chibynta wow khang yei poor ka khlam COVID-19.
Waroh ki thaw puræ, ki Coaching Institute wa kiwi kiwi u man ki kiwa khang ha waroh kawi ka West Garo Hills District tangwa hap wow leh yei e sikai lyngba ka Online Teaching.
Ym chah wow pynman ya waroh ki jait yalang paidbah wa kynthup yei e Training. Tangwa chah hi wow pynman ya ki bia, ki kaam wa yatoh wa i yap bru deiwa em du 15 ngut donhi ki bru deiwa yoh bor chwa.
Ym chah wow wan kiwa uiñke suwari kiwa na baar ka jylla wei waroh ki thaw uiñke suwari u man ki kiwa khang.
Waroh ki thaw maneblai u man ki kiwa khang lait noh hawa pynbia deiwa yoh bor na u DC.
Ki yung krehkaam ki bru samen u man ki kiwa khang lait noh kitu kiwa leh ya ki kaam wym hoi u dam namo ki Essential Services.
Ki yung krehkaam ka sorkar pyrdi ye ki wow khang wei ki wakreh ye ki u kreh na yung.
Ki kari kami u chah wow kit ki 25% donhi ki bru katkam wa da pynbna da u DTO.
Da khang wow lai cha kiwi ki jylla, cha kiwi ki District wa i lai pyn hapoh ka District wei emkaam wow yoh bor lada emkaam wow lai.
Ki kaam wa chah toh ki dukan wa dai ya ki mar wa emkaam iwa daw pynbait da u CEO ka Tura Municipal wei ye ki wow wai nadooh 8:00 waje i step hadooh ka 5:00 waje i janmiet.
Ki dukan Hardware, kiwa dai tiar Electrical, Plumbing, kiwa chna Computer, Mobile wa ki kari u chah u wai ki nadooh 8:00 waje i step hadooh 5:00 waje i janmiet.
Ki dukan wa ym em dai ya ki mar wa emkaam u chah u wai ki nadooh 8:00 waje i step hadooh 12:00 waje pyrdi sngi haka Monday, Wednesday wa Friday. Ym chah ya ki bru wow psiah ki chapoh dukan.
Ki kaam chna yung wa kiwi kam kini ki jait u chah deiwa bood ya ki kyndon yada COVID-19.
Ki Bank, ki Post Office wa ki Telecommunication Services u wai ki deiwa pynduna ya ki bru wakreh.
Kiwa lai ya ki kaam hap ki wow pynsakhiat yei kaam wa lai ki kam i lai chah sumaar, i chim ya i tika, i kit ya ki mar wa emkaam, ki laad pathai khubor, kiwa chna yung wa kiwa kreh ha ki kaam wym hoi u dam (Essential Services).
Ha ka Saturday wa Sunday daw pynkrehkaam biang ya ka Lockdown ha waroh kawi ka District.
