Shillong: Ka District Magistrate, East Khasi Hills District, Shillong da pynbna ko wa kam chibynta wow pteiñ yei khanglaad wow poor u khñiang COVID-19 yow pyntikna leh yei jngai na uwi u bru cha uwi (Social Distancing) wa i chong yung yow lait i poor u khñiang COVID-19 hapoh ka District deiwa bood leh yaki kyndon ka sorkar Meghalaya da pynkrehkaam biang yaka Section 144 Cr.PC.
Kamtæ waroh ki yaw ki haat, ki dukan wa waroh ki Bank hapoh ka East Khasi Hills District u man ki kiwa khang, kamjooh waroh ki kari kamai wa i yalang palat 5 ngut ki bru ha chi thaw lait noh hapoh ki yung ki sem ki bru.
Kani ka hukum ym krehkaam ko yaki wakreh Health Services, Meghalaya Energy Corporation Ltd (MeECL), Public Health Engineering (PHE) Department, Public Works Department (PWD), Police & Armed Forces, Fire Service, Food & Civil Supplies Department, Shillong Municipal Board wa Telecom Department kiwa em hapoh ka All Essential Services wei kini da yooluti wow kreh ki kamwa jooh.
Kani ka hukum u krehkaam ko nadooh i pyrdi synyaw ynne ka 21 tarik hadooh ka pyrdi synyaw ka 22-03-20.
Discussion about this post