Hadien wa ku kiwa yoh khlam ha ka jylla wa ka District, neiliang u Deputy Commissioner ka East Jaiñtia Hills da rai u wow pteiñ ka Lockdown ha waroh kawi ka District.
Kani ka Lockdown u pteiñ ko nadooh i step 5:00 waje ka 11-05-21 hadooh 5:00 waje i step ka 17-05-21, tangwa da pynyinsur ya ki kyndon ha ka 11 wa 14 tarik yow wai dukan katkam ka rai wa da pynmih ynne ka 10 tarik.
Heipor kani ka Lockdown chah hi ya kini ki kaam ha wah:
Daw chah ya ki kari wa wan na Assam, Tripura, Manipur wa Mizoram wow lai luti na ka District tangwa ym chah wow uiñ hapoh ka District lait na kiwa thooh dawai/wa chitom wa kiwa lai chim tika.
Ki yung krehkaam sorkar u wai ki heiwa kiwa kreh ymtoh u palat ki ya ka 30% ya kiwa em ha ki kyrdan Group B, C wa D.
Da chah ya ki kreh chna yung lada ki wakreh/mistri sah ki ha i thaw kreh hi dei wym toh u wanrah bru na kiwi ki thaw.
ki Bank, ki Post Office u wai ki deiwa pynduna ya ki wakreh.
Da chah ya ki Home Delivery kiwa li booh ya ki mar wa emkaam deiwa bood ya ki kyndon sorkar.
Ki yaw ha Khliehriat East & West, waroh ka Ladrymbai, Sookilo, Mynkreh, Umpleng, Nongjri, Jalaphet wa Umkiang daw man ki kiwa khang ha kini ki por lait na ki dukan dai dawai.
Ki dukan dai ja/cha (dhaba) wa em charood sarok u wai ki tangwa dei song baam donhi yow ye u rah cha yung ym toh deiwa chah u chong.
U chah leh ya ki dukan wa dai ya ki mar wa emkaam ha ki chnong ki dong (ki wym em wa yoh COVID-19) kiwa em chi thaw tangwa u wai ki hapoh i pait i yoo u Waheh Chnong wei deiwa bood ya ki kyndon sorkar.
