U DC ka East Jaiñtia Hills District da pynmih hukum u ha ka 1 tarik yow pynbna wa ki dukan dai marbaam wa kiwi ki jait mar daw wai ki le sngi chi tayaw ha ka sngi Monday, Wednesday wa Friday nadooh 9:00 waje i step hadooh 3:00 waje i sngi.
Kini ki dukan (Essential & Non-Essential Shop) toh kiwa em ha ki thaw pynman yaw ka thaaiñ Khliehriat East wa West, waroh ka Ladrymbai, Umpleng, Chiehruphi, Lumshnong, Sohkymphor, Sookilo, Saipung, Semasi, Jalaphet, Rymbai, Wapung, Sutnga, Bataw wa Umkiang.
Ki dukan won wa em ha ki dong u pynbait yei rukom wai da ka Dorbar Chnong wa ki Market Committee heiwa ki dukan wa em samen kiwa ym em yabi wa kiwi ye ki wow wai nadooh 2:00 waje i sngi hadooh 6:00 waje i janmiet deiwa bood thij ya ki kyndon kiwa daw pait da ki Dorbar Chnong/VDP.
Ki kaam chna yung ki wym emkaam wow wanrah bru na kiwi ki thaw toh iwa chah u leh.
Ym chah wow pynman ya kiwon kiwon ki yalang paidbah, ki e sikai, ki yalehke Sport wa i bia.
Ym chah leh u lai u uiñ hapoh ka District khlem ki daw wa biang, ki kari wa lai khlem ki Pass daw chah pynchitom wei kiwa leh pyrchah ye ki wow chah kem.
Ki yung krehkaam sorkar u wai ki katkam wa da dep pynmih hukum.
Waroh ki Post Office u chah u wai ki nadooh ka Monday-Friday deiwa pynduna bru wakreh wei toh u khang ki chwa ka 3:00 waje i sngi.
Waroh ki Bank u chah u wai ki nadooh ka Monday-Friday deiwa pynduna bru wakreh wei toh u khang ki hapoh 4:00 waje i sngi.
Ya ka Home Delivery u chah u leh du ya kitu kiwa da yoh bor.
Lada em i yap bru, u chah wow em 20 ngut ki bru.
Ym em khang yei lai e tika, i lai phah sumaar, ki kaam rep wa kiwi de kiwa da chah nadooh ini wa dep.
