Jowai: Ka chnat Indian Railways da rai ko wow pteiñ wow pynkrehkaam ya ki rel Shramik Special Trains katkam wa emkaam ki sorkar jylla wow libooh ya kiwa neh cha baar jylla.
Hadooh ynne ka sngi da pynkrehkaam hadooh 4347 tylli ki Shramik Special wei da kit hadooh palat 60 lak ngut da kini ki rel nadooh ka 1 Naisan uni u snem.
Ka Indian Railways da pyntip ko ya ki sorkar jylla wa daw pteiñ ko wow pynkrehkaam ya kini ki rel Shramik Special Train hapoh 24 kynta lada emkaam ki sorkar jylla wei ka Railway Ministry da kyntu ko ya ki sorkar jylla wow leh yeiwa emkaam hajrong ini.
Neiliang u Chairman ka Railway Board da thoh u cha ki sorkar jylla ha ka 29 Naisan wa ha ka 3 Naiynru wa ka chnat smat ko wow pynkhreh ya ki rel Shramik Special hapoh 24 kynta wei ynne da thoh biang u cha ki Chief Secretary hajrong ini.
Ka yungbichaar Supreme Court of India, ha ka 28 Naisan da pynmih hukum ko heiyatoh wa kiwa khih mylla kiwa neh cha baar jylla kiwa thmu wow liwan cha yung wei neiliang ka Indian Railways leh da chimkhia ko ya kani ka hukum.
