U pteiñ ka KSU yei kynreh baar jylla hadien wa yachem wa u Conrad

Ka Khasi Students’ Union (KSU), hadien wa yachem wa u Montri Rangbah, u Conrad K Sangma ynne ka sngi, da pynbna ki wow pteiñ biang yei kynreh baar jylla katwa ym pu yoh ya ki aiñ yada kamwa da dawa khamtam wow pynkrehkaam noh ya ka Meghalaya Residents Safety and Security Act, 2016.

Hadien wa ki dkhot ka KSU da pynman ki yei kynreh ya kiwa wan mylla na baar jylla ha kylleiñ ka Ri Khasi-Jaiñtia ha ki ar tayaaw wa dadep, neiliang u Montri Rangbah da khut yaklam u ya kiwa yahkmat ka seiñ.

Hawa klam hadien i yachem, u President ka KSU, u Lambokstarwell Marngar ym bien u wow ong lada ka yaklam man ko kawa mihsoh mihsla namo ka wym poi cheiwon cheiwon, tangwa da klam che u wa i kynreh ya ki baar jylla wa ki dkhot yong ka seiñ u nang pteiñ i.

Da ong u wa ka Work Permit toh hi ka kyntien wa em ha ka aiñ Interstate Migrant Workmen Act 1979 kawa da pynthymme ya ki kyndon ha u snem 2011, tangwa ha u snem 2020 ka sorkar da wanrah ko ya ka aiñ ya kiwa mylla, wei ka KSU da chem ko wa kani ka aiñ toh kawa dang tlot palat, wei ka seiñ da tyrwa ko wa toh u pynkhlan chooh chooh ya kani ka aiñ deiwa pynpsiah ya ki kyndon yong ki aiñ ka sorkar pyrdi tanwa u Montri Rangbah da ong u wa hap wow bichaar ya ini i dawa.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

U President ka KSU da ong u wa ka seiñ yieñ bait ko ha yurim wa katwa ym pu yoh ya ka Inner Line Permit (ILP), ka sorkar toh u pynkrehkaam ko ya ka Meghalaya Residents Safety and Security Act, 2016.