U DC ka East Jaiñtia Hills da pynmih hukum u ynne ka sngi wow pteiñ ya ka Lockdown hapoh ka District nadooh 5:00 waje i step ka 17-05-21 hadooh 5:00 waje i step 24-05-21 deiwa pteiñ ya ki jooh ki kyndon kiwa da pynbna ini wa dep.
Heipor kani ka Lockdown chah hi ya kini ki kaam ha wah:
Daw chah ya ki kari wa wan na Assam, Tripura, Manipur wa Mizoram wow lai luti na ka District tangwa ym chah wow uiñ hapoh ka District lait na kiwa thooh dawai/wa chitom wa kiwa lai chim tika.
Ki yung krehkaam sorkar u wai ki heiwa kiwa kreh ymtoh u palat ki ya ka 30% ya kiwa em ha ki kyrdan Group B, C wa D.
Da chah ya ki kreh chna yung lada ki wakreh/mistri sah ki ha i thaw kreh hi dei wym toh u wanrah bru na kiwi ki thaw.
ki Bank, ki Post Office u wai ki deiwa pynduna ya ki wakreh.
Da chah ya ki Home Delivery kiwa da yoh bor wow li booh ya ki mar wa emkaam deiwa bood ya ki kyndon sorkar.
Ki yaw ha Khliehriat East & West, waroh ka Ladrymbai, Sookilo, Umpleng wa Umkiang daw man ki kiwa wai haka 17, 19 wa haka 21 tarik uni u bnai neipor 9:00 waje i step hadooh 3:00 waje i sngi.
50% ki dukan wa dai mar wa emkaam, ki dukan Hardware, Electrical u wai ki da ka palai iwa daw pynbait da ka Dorbar Chnong/Market Committee.
Waroh ki dukan wa dai baam wa em charood sarok kam ki dhaba, ki dukan cha/ja toh u leh deiwa song baam ym toh deiwa chah u chong hapoh dukan.
U chah leh u wai ki dukan wa dai ya ki mar wa emkaam ha ki chnong ki dong hapoh i pait i yoo u Waheh Chnong deiwa bood ya ki kyndon sorkar.
Ya kiwa leh pyrchah daw pynchitom katkam ka aiñ.
