Shillong: Kam chibynta wow yada nei poor ka khlam COVID-19 hapoh ka jylla waka ri waroh kawi wei wow ye u bood yaki kyndon wa da pynmih daka sorkar lyngba ka Health and Family Welfare Department. Ka District Magistrate, East Khasi Hills District da pynmih hukum ko hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 yow pynkrehkaam daka Night Curfew hapoh ka East Khasi Hills District wa kynthup yaka Shillong Urban Agglomeration, Sohra wa Pynursla Civil Sub Divisions, ki C&RD Block nadooh ka 15th July, 2020 hadooh 20th July, 2020 neipor 09:00 waje i miet hadooh 5:00 waje i step man-ka-sngi.
Kani ka hukum ym krehkaam ko yaki chipai, ki wakreh ha i chait i khiah kiwa leh yei kaam yong ki, ki Wholesale wa Retail Pharmacy, ki pulit, Fire & Emergency Service, MeECL, NEEPCO & Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, Press, Print & Electronic Media, Petrol Pumps wa kynthup ya Indian Oil Corporation, ki kaam sumaar sukher kam ki Hospital, Clinic, Dispensary, Veterinary Clinic, Labs, ki thaw chna kari wa kiwa dai Spare Parts ki yong ka Health & Family Welfare Department wa ki wakreh sorkar kiwa leh yei kaam yong ki.
Kini waroh hap ki wow bood thij yaki kyndon wa da booh ka sorkar kam wow leh Social Distancing wei wow pynduna ya ki bru wakreh khlem pep.
Ym khang leh yei lai ki kari wa kit mar wa emkaam, ki tiar ki tar sumaar sukher wa ki thaw chna truck kiwa em harood ki sarok bah. Tangwa kiwa yah kari wa kiwa yarap yaki hap ki wow leh yaki Medical Screening katkam ki kyndon.
Ya ki Curfew Pass neibynta 09:00 waje i miet hadooh 5:00 waje i step nadooh ka 15th July, 2020 hadooh 20th July, 2020 ye wow yoh lyngba ka Online Application ha www.eastkhasihills.gov.in.
