Khliehriat: U District Magistrate, East Jaiñtia Hill District da pyntip paidbah u wa ki 6 chnong wa kynthup ya ka Khliehriat East, Khliehriat West, Dkhiah East, Deinchynrum, Sookilo wa Mookympad kiwa man kam ki Containment Area yow pyndep ya ka Contact Tracing yong kiwa yajan (High Risk Contact wa ki Low Risk contact) yong kiwa yoh COVID-19.
Kamtæ da rai wa kini ki 6 chnong u pteiñ ki wow man kam ki Containment Area nadooh 6:00 i step ka 25 tarik uni u bnai hadooh 6:00 i step ka 27 tarik.
Ym chah ya kiwon kiwon wow psiah cha kini ki chnong, wei kiwa em hapoh kini ki chnong toh wow chong ki khop hapoh yung, ym chah wow pynman ya kiwon kiwon ki yalang, waroh ki yung krehkaam ka sorkar, ki bru samen wa em ha kini ki chnong u man ki kiwa khang kamjooh ki dukan hadooh wa pynmih hukum da kamwi.
Da pyntip leh wa ki yungkrehkaam Block Development Officer, Khliehriat Block/ Incident Commander of (Executive Magistrate i/c Khliehriat PHC) u man u kam u Supervising Officer yong kini ki Containment Area hei pait i yoo u Addl. Deputy Commissioners, East Jaiñtia Hills District.
Kiwa lait na kani ka hukum toh ki wakreh ka yung krehkaam u Deputy Commissioner kiwa em Car Pass wow chah u psiah cha ka DC Office Complex, yung krehkaam u Superintendent of Police East Jaiñtia Hills District, ki pulit, DRDA Office, BDO Office, Office of the District Public Relations Officer, MePDCL Office, PHE Office wa Swatch Bharat Mission Office wow pyndait umkor ha Dkhiah West wa Dkhiah East, ki dukan ha Old DC Office Building kiwa pynbiang ya ki Quarantine Centres wa ka DC Office, National Highway-6 neibynta ki Essential Services, Emergency Services, District Contact Teams, CHC wa PHC Khliehriat, Medical Officers, Medical Front Line Workers wa PWD Road NEC Office wa PWD NEC Road na Khliehriat cha Saipung.
Kiwa leh pyrchah daw pynchitom ya ki katkam ki kyndon ka Disaster Management Act, 2005 wa ka IPC.
