Ka Ministry of Home Affairs (MHA) da rai ko wow pteiñ biang yaki kyndon namo ki Guidelines wow wai (Unlock) yaka ri kiwa da pynbna haka 30-09-20 wei u krehkaam ki hadooh ka 30-11-20.
Ka MHA da ong ko wa i lai chakhmat toh deiwa husiar bha wei ki kaam wa da chah u wai kiwa em cha baar ki Containment Zone u pteiñ ki kamwa jooh.
Kam wow pynkynmoo wa yaka hukum Lockdown da pynmih nyngkong da ka MHA ha ka 24-03-20 heiwa katni awjan waroh ki kaam toh kiwa da chah wow wai wow sdang biang kiwa em cha baar ki Containment Zone lait noh kitu kiwa em boon ngut ki bru chi thaw kiwa da booh yei kyndon kam i krehkaam ki Metro Rail, Shopping Malls, Hotel, Restaurant, ki thaw mane Blai, ki Gym wa kiwi kiwi.
Kiwi ki kaam wa rap maa wow wai da e bor ha ki sorkar jylla wow chim ya i rai kam i wai ya ki skur, Coaching Institutes, ki University deiwa chah leh yaki yalang paidbah wow em ki 100 ngut donhi kiwa chimbynta.
Nalor kiwa da chah ki kaam wa da pynbna haka 30-09-2020, da chah sa kini ha wah:
- I lai i wan da ki lieñsuiñ na baar ri u man ki katkam wa chah ka MHA.
- Ki Swimming pool toh du yow e sikai yaki bru kiwa man kam ki Sportspersons.
- Ki Exhibitions Halls neibynta ka Business to Business (B2B).
- Ki Cinemas/ theatres/ multiplexes deiwa chah 50% ki bru wow chong ki hapoh.
- Ki yalang (Social/Academic/Sports/Entertainment/Cultural/Religious/Political) wa kiwi kiwi kiwa man hapoh yung u chah wow em ki 50% na iwa hoi ki bru u em kiwa ym toh u palat 200 ngut.
Hap leh wow pyntikna wa ki bru deiñ ki ya ki Mask yong ki hei rukom wa toh, u sait khooid yaki kti wei wow yajngai uwi na uwi kam chibynta ka ‘Jan Andolan’ kawa da sdang da u Prime Minister, u Narendra Modi haka 8 tarik uni u bnai. Heiwa da phah ya ki Chief Secretary, ki bor District wow pyntikna wa da boon ya kini ki le jait kiwa toh u leh.
Da khang ya ki jylla wow pynbna ki yaki Lockdown lait noh ha ki thaw wa pynman Containment Zone. Wei ym toh leh wow khang yei lai i wan na kiwi ki District cha kiwi wa cha kiwi ki jylla.
