Jowai: Kam chibynta wow booh yaki kyndon yada yow bood yaka Social Distancing yow lait ka khlam COVID-19 wow poor chapoh ka West Jaiñtia Hills District, kamjooh hapoh ka jylla Meghalaya, deiwa bood thij yaki kyndon wa da booh daka Health & Family Welfare Department ka sorkar jylla, u District Magistrate ka West Jaiñtia Hills District, Jowai da pynmih hukum u ynne ka 11 tarik hapoh ka 144 Cr. P.C. deilang waka Regulation 3 ka Meghalaya Epidemic Diseases, COVID-19 Regulations 2020 yow pynmih hukum yaki kaam wym hoi u leh ha waroh kawi ka District ki wow krehkaam nadooh ka 12th July, 2020 nadooh 5:00 waje i step hadooh 9:00 waje i miet man ka sngi.
Kani ka hukum da khang ko yei lai na kawi ka jylla cha kawi, u wai yaki thaw uiñke suwari, ki Gym, ki madan yalehke, ki jait yalehke wa yabi wa ya tyngkhooh uwi ya uwi wei wow chah u wan paitke ki bru, ym pu chah wow wai ya ki thaw mane Blai, ki yalang yong niam, waroh ki jait yalang paidbah, ym chah leh wow mih cha ki thaw paidbah khlem da deiñ Mask. Ym chah leh yaki bru wa da palat 65 snem kiwa chitom, ki kynthai wa punkhon wa ki khynnah wa hapoh 10 snem wow mih ki cha lait lait nei wa lai emkaam wow chah sumar lane ki kaam wa yatoh wa i chait i khiah. Da khang leh wow mynthu ha ki thaw paidbah, i dih kiad, i baam kwai, baam duma wa kiwi kiwi ha ki thaw paidbah, da khang leh wow chong dai haki thaw paidbah.
Kani ka hukum da khang ko leh wow pynyap dakha ha ki um ki wah deiwa pynemkaam dei bih kamjooh ki Dynamite.
Kani ka hukum ym krehkaam ko ya ki thaw sumaar kam ki Out-Patient Departments (OPDs) wa ki Medical Clinics tangwa hap ki wow leh yaka Social Distancing wa kiwi de ki laad yada. Ka hukum ym krehkaam ko leh yaki bru chipai (Security Forces), Medical Teams on duty, Wholesale & Retail Pharmacies, Police & Armed Forces, Fire & Emergency Service, MeECL & Power Grid, Food & Civil Supplies Department & FCI, Jowai Municipal Board, Telecom, Communications & IT Services wa Common Service Centre (CSC), Print and Electronic Media, ki wakreh sorkar kiwa leh yei kaam yong ki, Banks & Treasuries, PHE, AH & Veterinary, Agriculture & Horticulture, C&RD wa Meghalaya State Pollution Control Board (MSPCB).
Kiwa da heh rta kiwa em 60 snem chaneiñ leh lait ki na kani ka hukum wei emkaam ki wow rah du yaka Photo ID Card yow pynsakhiat yei rta yong ki wei ym emkaam ki wow yaleh wow yoh yaki Pass.
Ya kiwa lai na kawi ka jylla cha kawi emkaam ki wow yoh yaka Inter-State Transit Pass kawa e da u Deputy Commissioner, West Jaiñtia Hills
Kani ka hukum ym em khang ko yei wai ki Fair Price Shops hapoh ka NFSA wa NON-NFSA wow wai ki man-ka-sngi nadooh ka 12th July, 2020 nadooh 9:00 waje i step hadooh 6:00 waje i miet.
Ki dukan wa dai yaki mar wa emkaam kiwa em chi thaw hapoh ki dong ki chnat kiwa da jied wow wai da ki waheh chnong u wai ki Monday hadooh Saturday nadooh 9:00 waje i step hadooh 6:00 waje i miet.
Ki dukan Hardware leh u wai ki Monday hadooh Saturday nadooh 9:00 waje i step hadooh 6:00 waje i miet.
Ki karkhana chna kari u wai du kitu kiwa da jied da u District Transport Officer, West Jaintia Hills District, Jowai.
Ki dukan wa chna mobile, computer wa kiwi ki kaam wa yatoh wa kini kam ka Mobile Phone Recharging Centre u chah u wa ya kitu kiwa da jied da ki waheh chnong.
Ka yaw Lay-Bye Market wa em ha Ialong u wai ko nadooh Monday hadooh Saturday nadooh 9:00 waje i step hadooh 6:00 waje i miet.
Ki dukan Stationery Shop, dukan dai juti wa da jied da ki waheh chnong u wai ki Monday hadooh Saturday nadooh 9:00 waje i step hadooh 6:00 waje i miet. Chah hi wow leh yaki Home Delivery neibynta ki kot.
Ki dukan dai ja dai cha kiwa em cha ki thaw palat sor haoh C&RD Block Amlarem, Thadlaskein wa Laskein wa da jied da ki waheh chnong u chah u wai ki 9:00 waje i step hadooh 6:00 waje i miet Monday hadooh Saturday. Tangwa kitu kiwa em cha rood ki National Highway ha ki thaw wa em cha palat sor ym chah wow wai ki.
Ki dukan wa leh Dry Clean wa ki dukan dai that wa em cha sor kiwa da jied da ki waheh chnong u wai ki nadooh 9:00 waje i step hadooh 6:00 waje i miet nadooh Monday hadooh Saturday.
Ki dukan dai tiar wa pynemkaam ha yung chet ja, ki tiar bordiñ, ki thaw dai kari, tiar khwe, ki tiar lai skur, dai tim kiwa da jied da ki waheh chnong u wai ki Monday hadooh Saturday nadooh 9:00 waje i step hadooh 6:00 waje i miet deiwa pynemkaam 50% donhi ki bru wakreh wei wow sait pynkhooid yaki dukan.
Ki Shopping Mall u chah u wai ki Monday hadooh Saturday nadooh 9:00 waje i step hadooh 6:00 waje i miet deiwa bood yaki kyndon wa booh daka Ministry of Health and Family Welfare.
Ki thaw ah sniooh, Salon wa Beauty Parlour u wai ki Monday hadooh Saturday 7 waje i step hadooh 6 waje i miet deiwa bood yaki kyndon.
Ki Restaurants/ Cafes /Food Outlet lait noh kitu wa em ha ki National Highway u chah u wai ki nadooh ka Monday hadooh Saturday nadooh 9:00 waje i step hadooh 6:00 waje i miet deiwa bood yaki kyndon wa da booh daka Tourism Department, Government of Meghalaya.
I wai yaki Hotel nadooh ka 1st July, 2020 chong i hei yoh bor na u Deputy Commissioner.
Ki yaw wa pynman chisien chitayaw ha West Jaiñtia Hills District kiwa kynthup yaki dukan wa em ha Iawmusiang lait noh ki yaw khappood namo ki Border Haat wa ki yaw wa em khappood wa kiwi ki jylla u wai ki sngi pood nadooh 9:00 waje i step hadooh 6:00 waje i miet.
| l. No | Days | Shop/Stalls to open |
| 1. | Monday | Only shops/stalls with Odd number |
| 2. | Tuesday | Only shops/stalls with Even number |
| 3. | Wednesday | Only Shops/Stalls with Odd number |
| 4. | Thursday | Only shops/stalls with Even number |
| 5. | Friday | Only shops/stalls with Odd number |
| 6. | Saturday | Only shops/stalls with Even number |
I lai i wan ki kari nadooh ki yong ki bru samen kamjooh ki kari kamai dang man ki kamjooh hi. Heiwa haka Sunday u chah du ki kari ki bru samen (Odd & Even Number).
