Shillong: Kamwa 35,000 tylli ki manyung kiwa ym em paikhana wa biang hapoh ka jylla wei daw pynbiang mar ka wi chwa ka 15 tarik u Naikhynde da pyntip ynne ka sngi.
Hawa yaklam wa kiwa pathai khubor hadien ka yalang wow sdang yaka Swachh Survekshan Grameen (SSG), ha East Khasi Hills, u Member Secretary ka District Swachh Bharat Mission (DSBM), u A Lyngkhoi da pyntip u wa hapoh ka District da em 593 tylli ki manyung kiwa daw yoh ya ki paikhana wa biang chwa ka 15-09-19.
U Lyngkhoi da pyntip u wa ya yukheiñ da yoh katkam ka sorjamin (Survey) kawa da leh ha u snem 2012 tangwa katwa dang lai i por ki manyung wa ym biang paikhana dang ku ki.
Katkam kani ka Scheme kawi pa kawi ka manyung toh u yoh ki yaka paikhana wei kiwa yoh myntoi u yoh ki hadooh T. 12,000 na ka MGNREGA lane naka PMAY.
Ka East Khasi Hills, Deputy Commissioner, ka Matsiewdor War Nongbri, da wai ko ya kani SSG hapoh ka District hei emlang ki 11 ngut ki Block Development Officer ka District.
Yaka sorjamin ha Meghalaya da pynman ha ki 247 tylli ki chnong wow pynkrehkaam ya kani ka Scheme ka wow pteiñ hadooh ka 25-09-19.
Discussion about this post