Ka sorkar Meghalaya lyngba ka Personnel & A.R. (A) Department da pynmih hukum ko ha u bnai wa dep wa wot hadien wa da pynbna ha u April 2024 wa emkaam wow paan bor kiwa kreh sorkar chwa wow lai ki cha baar ri, tangwa da chem wa em bait kiwa leh yeini khlem da yoh bor.
Ini man ko ya kitu kiwa lai cha baar ri yei kaam yong samen wei dei bor samen yong ki, kamtæ da phah ya kitu kiwa dadep lai cha baar ri ha uni u snem yow wan ki chakhmat yow khana cheiwon lai ki ha jar jiar ki heh yong ki wei lada ym leh yeini daw chah pynchitom ki.
Neiliang u Commissioner & Secretary ka chnat da ong u wa neini chakhmat kiwa lai cha baar ri khlem da yoh bor daw chah pynngat ki katkam ki kyndon wa da booh da ka chnat.
Da phah leh ya waroh ki khlieh ki chnat sorkar waphær waphær wow pyntikna wa da bood ya kani ka hukum.
Kam wow pynkynmoo wa ha ka 01-04-24 da pynmih hukum wa kiwa kreh sorkar kiwa lai cha baar ri dei bor yong ki samen yei kaam yong samen ki hap ki wow paan bor chwa na jar jiar ka chnat wa kreh ki kiwa daw phah won cha ka Personnel & A.R. (A) Department.
Yein hap ki wow leh chi bnai chwa wow lai ki yow ye u pyndep yeiwa emkaam heipor wa biang.
Puræ leh: Kiwa kreh sorkar kiwa thmu wow lai cha baar ri emkaam ki wow yoh bor chwa
Discussion about this post