U Deputy Commissioner, East Jaiñtia Hills District, Khliehriat da pyntip paidbah u wa katkam ka Section 25 wa 26 yong ka aiñ Water (Prevention & Control of Pollution) Act, 1974, da khang ya kiwon kiwon ki karkhana namo ki thaw krehkaam wow pynkai tngit wei jakhlia cha ki wah, ki thlu-um wa kiwi kiwi khlem yohbor na ka State Pollution Control Board.
Chooh chooh da ong u wa katkam ka Section 21 yong ka aiñ Air (Prevention & Control of Pollution) Act, 1981, da khang ko ya kiwon kiwon ki thaw næ karkhana wow pynmih tdem næ la’ær wa man bih khlem yohbor chwa na ka State Pollution Control Board.
U DC da ong u leh wa katkam ka Notice na ka Meghalaya State Pollution Control Board, ym chah ya ki bru wow chna karkhana khlem yoh ya ka Consent to Establish (CTE) na ka Meghalaya State Pollution Control Board wei ymye ki wow pynkrehkaam ya ki karkhana kat wympu yohbor da ka Consent to Operate (CTO) na ka Meghalaya State Pollution Control Board. Daw pynchitom katkam ka Section 33A yong ka Water (Prevention & Control of Pollution) Act, 1974 wa ka Section 31A yong ka Air (Prevention & Control of Pollution) Act, 1981 ya ki bru kiwa tyngkheiñ ya kini ki kyndon deiwa krehkaam khlem da yoh CTE wa CTO.
Ya ki yutip wa bniah ye u yoh na ka website www.megspcb.gov.in ha ka Citizen’s Corner-Public Notice- Revised Classification of Industrial Sectors under Red, Orange, Green and White Categories by Central Pollution Control Board, Delhi namo deiwa lai ha kani ka link https://megspcb.gov.in/documents/Latest_ I18_Final_Directions.pdf .
Ya ka Application for Consent ye u leh Online ha ka www.megocmms.nic.in. Ka Standard Operating Procedure neibynta ki Online Application ye u yoh na ka website www.megspcb.gov.in hapoh ka Public Notice-Annexure 1 Standard Operating Procedure for Consent under Water (Prevention & Control of Pollution) Act, 1974 and Air (Prevention & Control of Pollution) Act, 1981 namo deiwa lai ha kani ka link https://megspcb.gov.in/documents/Annexure_1_SOP_for_consent_under_water_prevention_control_of pollution_act.pdf .
Waroh kiwa yaleh (Application) toh u leh hapoh ar bnai nadooh ka 29 tarik na Meghalaya State Pollution Control Board, lada ym leh kamtæ daw pynngat ya ki hapoh ka Section 33A ka Water (Prevention & Control of Pollution) Act, 1974 wa ka Section 31A yong ka Air (Prevention & Control of Pollution) Act, 1981.
