U pynchna noh ya ki sarok hapoh Elaka Sutnga deiwa kyrchaan ka World Bank

Ka Hima Sutnga Youth Federation (HSYF), Elaka Sutnga ha ka 6 tarik uni u bnai da yachem ko wa ka Santa Mary Shylla, MLA ka Sutnga-Saipung Constituency hajrong i long i man u sarok hapoh ka Elaka Sutnga.

Neiliang ka seiñ da pynsñiaw ko hakhmat ka MLA deiwa e leh dei thoh yeiwa sih sarok cha palatpood nadooh Sutnga-Mookympad-Tluh-Latyrke ter ter kamjooh leh ya u sarok Sutnga-Moopala Bypass iwa da ktah yei lai i wan yong ki paidbah ha kani ka thaaiñ iwa da thut hadooh kattæ kattæ.

Da ong wa heithaw wow chimpor 10 minit da chimpor da ki kynta neidaw wa joor sih palat ki sarok hadooh wa ki khynnah skur ki khynnah College da hap ki wow mih smat na yung da ki kynta yow poi tikna cha thaw puræ ki.

Ki kari ki mator leh da hap ma hap ki wow psiah karkhana man-ka-tayaaw wa joor sih u sarok wei ki yung ki sem ki bru leh da kylla rong dei chah tymmoh dei laphooh.

Ka seiñ da kyntu ko ya ka MLA wow pynyoh Scheme neibynta kini ki artylli ki sarok khnang wow pynsuk yei lai i wan ki paidbah. 

Related posts

Chirta beh kreh ka Meghalaya Cricket Association ya u Coach wa u Manager, chah Suspend soo ngut kiwi heiyatoh wa i chah leh khlem akor ki kynthai wa yalehke

June 28, 2026

Yoh kem yei bomkala wa chongdor Rs. 35 klur wa da wanrah tooh na China cha India

June 28, 2026

Neiliang ka MLA da khana ko wa dadep wow pynmang wei daw yoh noh yei mynjur ha kini ki kajiak sngi deiwa kyrchaan poisa ka World Bank yow pynchna ya ki sarok yow pynsuk ya ki paidbah wei yei kreh daw sdang ym slem de.

Kamtæ ka HSFY da dap ko dei sñiawngooh ya ka MLA hajrong ini wei da pyn-eh-daw leh ya ka wow nang wanrah ya ki kaam pynroi hapoh ka Constituency wa hapoh ka Elaka Sutnga kawa dang emkaam chiboon ki kaam pynroi ha waroh ki liang.