Kam chibynta wow pynpoi ya ki mar wa emkaam kam ki mar baam cha ki paidbah, wei wow pyntikna wa ki warep ym sepai ki mar yong ki kam ha kini ki por, ka “1917iTEAMS”, da kreh ko chirup wa ki Deputy Commissioner ki District ka jylla wow pyntikna wa ki mar u poi ki cha ki paidbah.
Ka “1917iTEAMS” toh iwa sdang ka sorkar jylla wow thied ya ki mar na ki warep ha kylleiñ ka jylla.
“1917iTEAMS” toh kawa da sdang la ar snem nachwa ha ka jylla, wei du ynne da yoh hadooh 717 ngut kiwa phone ha u number wa mynkna ‘1917’ wei kini waroh toh ki wow yoh u thied na ki warep neibynta ki paidbah.
Ki mar rep na thaaiñ Laitjem wa Mawkriah ka East Khasi Hills toh u thied wei wow saam ha ki chnong ka nongbah Shillong katkam wa pynlai ki Waheh Chnong.
Ki mar wa mih na ki thaaiñ Hajongopara hapoh ka Betasing Block ka South West Garo Hills ynne da saam cha ki chnong ka Tura, West Garo Hills.
Kamwa 1000 litre i dud “NaRi Milk” da phah cha Tura wa Shillong ynne wei ka NaRi Network yong ka Tura da sdang ki u saam dud ha man la ki thlu yung (Home Delivery).
“Yaki 1917iTEAMS da pynkrehkaam ya ki ha waroh kawi ka jylla kam chibynta wow yarap ya ka sorkar kam heini i por,” da ong u Conrad Sangma.
Da ong u leh wa da thooh ya ki laad wa ki 1917iTEAMS u pteiñ ki wow thooh yei pyrtuid ki warep wei wow phah ya ki cha ki bor District wa ki chnat kam ka Agriculture wa Horticulture.
Ka “1917iTEAMS” da booh thong ko wow krehkaam ha waroh ka thaaiñ ka jylla wow yarap ya kiwa rep wow pynpoi ya ki mar cha yaw wa ki paidbah.
Discussion about this post