Ka e-Challan Digital Traffic Enforcement Solution ynne ka sngi da pynlait paidbah ya ka da u Lahkmen Rymbui, uwa man u montri ki kaam pohyung ka jylla hei emlang u R. Chandranathan, Director General of Police Meghalaya, ki sahep na ka National Information Center (NIC), State Bank of India wa kiwi kiwi.
U Lahkmen hawa e yei klam da kyntu u wow pteiñ u pynsñiawthooh paidbah hajrong i kylla namo ka Digital Transformation hei wow pynkrehkaam ya i rukom pynlai kari hapoh sor Shilllong, wei wow esikai ya ki sahep ka chnat Traffic khnang wow ye ki u pynkrehkaam ya ka e-Challan khlem pynthut ya ki paidbah.
Kiwi kiwa da klam ha kani ka sngi toh u R. Chandranathan, Director General of Police Meghalaya, ka I. Nongrang, IPS Addl. Director General of Police (L&O/TAP) wa u H. Nongpluh, Director General of Police (SB/CID).
Ka e-Challan daw pynkrehkaam noh ya ka hapoh u pood ka Shillong Traffic Police (STP) wei ha ki por wow wan daw poi cha kiwi ki District ka jylla.
Ka Meghalaya Police da kyntu ko ya ki paidbah wow krehlang wa ka chnat Traffic ka STP ki wow pynemkaam noh kattu ya ki tiar Point of Sale (PoS) kiwa daw em ha kti ki pulit khnang wow ye u pynchitom ya kiwa tyngkheiñ aiñ deiwa e noh da ki Digital Challan.
Ini mut wa deiwa su lyngba ki Debit/Credit Card ha ki kor PoS ya ka kuna, ym emkaam de wow lai cha ki Police Station yow su ya ka kuna wa chah daiñ kamjooh leh daw pyntikna ko wa ka poisa wa su ym wiar ko lane lai ko cha kiwa ym toh u lai. Heiwa yaka e-Challan toh kawa ye wow e pyn ha i thaw wa jia i tyngkheiñ yaka aiñ kamjooh wow su pyn ha i jooh i thaw.
