I sahkut i kreh ya ki yung neibynta ki manyung wa dooh wa duk namo ki BPL Families kiwa da ieh khlem pyndep kiwa em ha Nongmenson Lumphira, Shillong daw ye ki wow pyndep noh deiwa chna chooh sa ki kattu katni ki yung wa thymme.
Neiliang u Montri ka chnat Urban Affairs, u Sniawbhalang Dhar da pyntip wa ka chnat da pynkhreh ko ya ka Detailed Project Report (DPR) kawa daw pyndep hapoh chi bnai wei daw e leh u sah da kitu kiwa toh hok u yoh myntoi ha kini ki yung.
Da ong u leh wa khuslai hi neidaw wa da ieh khlem pyndep u chna ya kini ki yung ya pynemkaam bakla ki da ki bru wow leh ki kaam pyrchah aiñ hadooh kiwa pymemkaam drugs, wei na ini i daw da phah smat ya ki bru sorkar wa toh u pait yeini yow pyndep smat ki ya ka DPR yow pyndep leh yei kreh ki yung wa da ieh khlem pyndep kamjooh kiwa emkaam wow chna thymme.
Ka seiñ FKJGP leh da pynsñiaw ko yei sñiawkhia hajrong ini deiwa kyntu ya ka sorkar wow pyndep smat yei kreh neibhah i ieh khlem pyndep daw pynman ko ya kani ka thaw kam ka ktem ki kaam wa man pyrchah ya ka imlang sahlang.
Ha iwi won i liang, u Sniawbhalang da pynytip u wa ka sorkar da paan poisa chooh chooh ko yow pyndep ya kiwa boon ki kreh ha ka New Shillong Township (NST) najrong kiwa boon ki kreh kiwa dadep chna wei ha kini ki 3-4 snem daw yoo yeiwa kylla dur thymme.
Discussion about this post