Ka sorkar jylla ynne ka sngi ha ka yalang Review Meeting wa chong knor da u montri rangbah ka jylla da yaklam wow pynboon ya ki thaw thiah neibynta kiwa chah ktah ha u COVID-19 heiwa da lai pait ya ki yung sorkar kiwa ye u pynkylla chipor kam ki Corona Care Center lane ki Isolation Centre ha Shillong.
Neiliang ka chnat i chait i khiah ynne i step da dep lai pait ki ya ki yung krehkaam ka ITI Office Building wa em ha Rynjah, BTC Building ha Malki kawa dang dep chna thymme wot wa ka Directorate of Commerce & Industries ha Nongrim Hills.
Da rai leh wow booh noh da ki Corona Center ha kini ki le tylli ki thaw yow pynboon ya ki thaw thiah kiwa ym duna 150 tylli wei daw sdang pynkrehkaam noh ya ki smat deiwa phah ya ka chnat i chait i khiah wow pyndep ki ya ki kot ki sla hapoh 48 kynta.
Da yaklam leh wa ka chnat i chait i khiah yow pynboon leh ya ki thaw thiah neibynta ki CHC wa PHC yow man kam ki Corona Care Centre ki wow em 20 tylli ki thaw thiah.
