Ka Constitution ka ri India daw pynkylla ka cha ka ktien Manipur Meetei Mayek kam chibynta ka Diglot Edition (English-Manipuri) wow leh da ka chnat Law & Legislative Affairs Department ka sorkar Manipur.
Yeini da pynbna da u Montri Rangbah ka Manipur, u N. Biren Singh deiwa ong wa ka Constitution ka India toh kawa hakhlieh dooh ka aiñ ka ri kawa da e leh yei hok kiwa chong chnong wa i kaamram yong ki.
Da ong u leh wa booh ko ki kyndon kammon u krehkaam ka synchaar khaddar, i bor ki chnat sorkar wei kani ka riti synchaar toh kawa jrong dooh hapoh pyrthai.
Chooh chooh da ong u wa hadien 73 snem wa da krehkaam ka Constitution toh kawa rap jngai na ki bru wa boon neidaw wym em thoh leh ya ka hei ktien wa klam ha ki thaw wa chong wa sah ki bru.
Kamtæ da ong u wa kattu deiwa pynkylla wei deiwa em ka 105th Amendment katni daw man ko iwa kyrpang bha wow yoh u pynmih noh ha ka ktien Meetei Mayek wei daw pynmyntoi ko ya waroh kiwa chong chnong ka jylla wei kamjooh da man u moomær wa emkaam hei parom ka jylla Manipur.
Discussion about this post