Da i mynsien wa kmen wa khroo ka Jylla Niam Jowai da khut sñiawbha ko ya waroh cha i pynkyntang Bishop ya u Rev. Fr. Ferdinand Dkhar ka wow man ha ka 1 tarik u Naichiphaw 2023 ha Church of the Holy Spirit Parish Ummulong, heipor 10:00 waje i step.
U Most Rev. Victor Lyngdoh, u Archbishop yong ka Jylla Niam Bah Shillong daw man u kam u kongsan ha ka riti pynkyntang Lyngdohsad ha kani ka sngi, ryngkat i synraan lang ki Bishop yong ka thaaiñ mihsngi waroh.
Kam wow kdaw heini ya u Rev. Fr. Ferdinand Dkhar da kha ha ka 26 tarik Thohlakhmi (Feb), 1962 ha ka chnong Iongkaluh, East Jaiñtia Hills wei man u u khon phrangsngi na ki 10 ngut ki khon yong u Edwin Kyndait waka Philomina Dkhar. Heiwa da pynkyntang Lyngdoh Sohblai ya oo ha ka 23 Thohlakhmi, 1994.
I rukom pynbait yei rukom pynlai kari wa ki thaw pynyieñ (Parking) neibynta kiwa wan cha ka Mass Kyntang Bishop man ko kamni ha wah:
Ya kiwa wan na East wa West Khasi Hills wa na Ri-Bhoi District hap psiah ki na Laad Deinthare wow psiah cha chnong Moodymmai heiwa ki Volunteer daw kdaw luti ki.
Kiwa wan na ka Parish Amlarem wa ki thaaiñ War-Jaiñtia, u psiah ki na Laad Demthring wow poi cha Moodymmai wei daw em ki wow pynyoo luti.
Ya kiwa wan na Parish Namdong, Parish Mynsngat, Parish Ïongchwiat na ki thaaiñ Nongjngi u psiah ki na ki laad ka chnong Wahiajer heiwa daw pynyoo luti ya ki da ki Volunteer ha Wahiajer.
Ya kiwa wan na thaaiñ Jowai, East wa West Jaiñtia Hills, u psiah ki na laad CHC Ummulong heiwa ki Volunteer daw kdaw luti ki ya ki.
Katwa ya kiwa em em Car Pass toh u biah Sticker ki khamtam ki kari yong ki Phadar wa Sister. Wei da kyrpaad leh ya ki kari wa wan yaseiñ wow kdoh lama lieh khnang wow pynsuk ya ki Volunteer wow pynlai kari.
Kani toh katkam ka Wyrta na u Fr. Ebormitre H Lamare u Media In-Charge ka Jowai Diocese.
Discussion about this post