U pynlait noh yaka Scholarship ki khynnah ha kini ki 2-3 tayaaw

U Montri ka chnat puræ, u Rakkam A Sangma da pyntip u wa ka Scholarship ki khynnah skur u pynlait noh ha kini ki chi tayaaw ar tayaaw.

Da pyntip u wa ka Post Matric Scholarship kawa da kyrchaan da ka Ministry of Tribal Affairs da 90% wei 10% naka sorkar jylla da ye wow pyndep ya waroh iwa emkaam wei daw pynlait noh ka ha kini ki tayaaw wow wan.

Chooh chooh da pyntip u wa mar ya pynlait poisa ka sorkar pyrdi daw phah noh wut-wut cha ki Bank Account ki khynnah skur.

Da pyntip u leh wa ka chnat puræ puthi da yoh ko ya chiboon ki ujor na ki khynnah ki wym pu em yoh yaka Scholarship na ki daw wa boon heiwa ha ka 17 tarik uni u bnai da khut yalang u ya ki sahep ka chnat deilang wa kiwa mihkhmat ki Bank yow yaklam hajrong waroh ini.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kamtæ da ong u wa dadep wow phah ya ki Bank wow khana ki ya waroh i thut heiyatoh wa ki Bank Account neibhah em boon iwa bakla ha ki Bank Account ki khynnah hawa pyndap kam ki IFSC wa kiwi de.

Hajrong ini da kyntu ya ki Bank wa toh u pyntip lut ki ya waroh yow ye u pyntip won cha ki khynnah deiwa pynrap u wa ini toh iwa man kattæ wei da yooluti wow pyndep ya ini waroh ha kini ki 2-3 tayaaw.