U pynlut ka Assam Rs. 25 klur yow phah ya 25,000 ngut cha Ram Mandir ha Ayodhya

U Montri Rangbah ka jylla Assam, u Himanta Biswa Sarma da pynbna u wa ka sorkar u pynlut ko ya ki 25,000 ngut wow lai cha Ram Temple ha Ayodhya, Uttar Pradesh ha uni u snem.

Ya ini da pynbna ynnin ha ka dorbar mang tangka ka sorkar Assam heiwa daw pynlut yei lai i wan kini hapoh ka Scheme thymme wa tip kam ka Punya Tirtha Yojana heiwa ka sorkar da booh ko Rs. 25 klur yow leh yeini.

Nadooh wa wai ya kani ka mandir da em palat chi 10 lak ngut kiwa ngait niam Hindu na kylleiñ ka ri kiwa da lai Puja ha kani ka thaw wa kynthup nadooh ki Actor, kiwa yaleh Cricket, ki heh spah, ki Politician wa kiwi de.

Kam wow pynkynmoo heini wa yaka Ram Mandir ha Ayodhya da wai ha ka 22 Duyatra da u Montri Rangbahdooh ka ri, u Narendra Modi.