U pynlut u Rahul Gandhi ya i bai puræ ki 22 ngut ki khynnah wa chah ktah nei kynaad ka India-Pakistan

Uwa yahkhmat ka Liang Pyrchah, u Rahul Gandhi da rai u wow ri (Adopt) ya ki 22 ngut ki khynnah kiwa yap u pa næ ka bei heipor wa mih i kynaad hapyrdi ka India wa Pakistan hadien iwa jia ha Pahalgam.

U heh ka Jammu and Kashmir Congress, u Tariq Hamid Karra da ong u wa u Rahul Gandhi daw pynlut u ya i puræ ki 22 ngut ki khynnah na Poonch kiwa da dooh ya ka bei wa u pa namo wa dooh ya kiwa pyndap pynbiang ka yung neidaw wa dat Bomb ka Pakistan.

U Karra da ong u wa ka First Instalment daw pynlait ya ka myntu wow pynbiang yei puræ ki khynnah wei u pyndap poisa ya ki kat hadooh wa dep Graduation ki.

U Rahul heipor wa lai u cha Poonch da phah u ya kiwa kreh ka Party wow pynkhreh ya ka thup i pyrtuid ki khynnah wa chah ktah wei da pyntikna yei pyrtuid ki wa ki kot ki sla ka sorkar. 

Related posts

U Ronnie da sñiawthooh u wa daw rem ha ka Election wow wan kamtæ suk wow thied oo: Congress

July 30, 2025

Wan hiar u heh ka SBI cha Jowai yow kular phah Branch Manager noh ha Raliang Branch nadooh ka 1 tarik

July 30, 2025

Neiliang u Rahul da lai u leh cha Christ Public School, heiwa kiwa kha mynrap wa 12 snem, ka Urba Fatima wa Zain Ali da yap ki nei dat Bomb ka Pakistan.

Ka sor Poonch toh kawa chah ktah joor bha nei dat Bomb ka Pakistan heiwa da em palat 6 ngut ki khynnah wa mynsoo.