Ka chnong Moolamylliang wa em ha East Jaiñtia Hills District sa chisien daw pynriam biang ko yaka chnong da ki khrik-khrak kawa tip kam ka Christmas Festival of Lights kawa daw sdang nadooh ka 18 tarik uni u bnai heiwa u Dr. WR Kharlukhi, MP Rajya Sabha daw wan wai u ya ini kam u kongsan deiwa emlang ka Santa Mary Shylla, MLA Sutnga Saipung kam ka symbood kongsan.
Ha uni u snem leh da pynkhreh kyrpang kamwa da jooh leh ha ki snem wa da dep yow lehkmen ya ka Christmas wei ya kini ki khrik-khrak u pynche nadooh 5:00 waje i janmiet hadooh 12:00 waje i pyrdi synyaaw kiwa daw pteiñ hadooh ka 03-01-24.
Daw pynman leh yaka Christmas Concert haka 22 tarik deiwa wan tem ki “Taken Aback” kiwa na Mawngap, East Khasi Hills District wa ki “The Lynx” kiwa na Jowai.
Ha ka 23 tarik won da wan rwai u Eladmitre Dkhar deiwa emlang u DJ Wanshan.
Ka chnong Moolamylliang toh kawa jngai 112 Km na Shillong wa 15 Km na Khliehriat.
Ya kitu kiwa kwah u sah miet ye ki wow lai sah ha kini ki thaw:
- Tista Guest House- 9366455744
- East Side Inn- 9089390888
- Mon Maya Guest House-8132002479
- Wika Guest House- 6009538618
Ya kitu kiwa thmu wow wan dei sngi ye ki wow wanrah da i yong ki hi i baam wei da pynkhreh leh yaka madan wow chong baam hajan ini hi i thaw. Hapoh kani ka thaw daw em leh i thaw dai baam wa da pynkhreh da ka Tista Hotel, Khliehriat.
Kamtæ da khut sñiawbha ya phi ki paidbah wow wan phi cha kani ka Christmas Festival of Light wei kitu wym tip heiwon em ini i thaw ye phi u Scan ya uni u QR Code yow pynyoo luti phi hapoh ka Google Maps.
Discussion about this post