U Montri ka chnat puræ puthi ka jylla, u Rakkam A Sangma da ong u wa da man i iwa palat yei bor ka sorkar wow Regularise namo wow pynman kam ki wakreh sorkar wa pura ya kiwa sikai skur SSA kiwa em palat 12,000 ngut.
Da ong u wa lada leh yeini daw man ko iwa khia bha ya ka sorkar wow ye u su tulop hadien wa da yachem kiwa sikai SSA wa oo yow dawa pynman noh ya ki kam ki wakreh sorkar namo kiwa sikai skur ka sorkar.
Tangwa da ong u wa ka sorkar daw yarap wei u e kyrchaan bait ko ya kiwa sikai SSA hapoh ka jylla wei kut wa wa maad ki ya iwon iwon i eh leh ka sorkar da yarap bait ko.
Iwa eh dooh ong u toh wow pynbiang poisa i wym joh bor kattæ tangwa ka sorkar ym chong klikti ko wei ym ieh khlem pyrchang waroh ki laad neibynta i bha i miat kiwa sikai ka jylla.
Neiliang ka seiñ kiwa sikai SSA ha ka 23 tarik uni u bnai da e dorkhat ki ha u Montri hajrong ini i kaam.
