Jowai : Ka Jaiñtia National Council (EJNC&WJNC) da rai ko wa kam wow lehkmen wa dap chi snem ka council u pynman yalang Central Executive Council ha ka 3 tarik Ñaiynñiaw (July) ha Khliehriat Higher Secondary School heipor 1:30 i sngi.
Ka seiñ da rai leh u booddien yei dawa chuti neibynta ki arngut wa chah siat yap ha ki police ha ka chnong Mookhep.
Yeini i dawa ha khmat ka sorkar da paan nachwa yow e chuti hapoh ka EJH man ka 24 tarik u Ñaikhynde (September) kam ka dak wow kynmoo warom ya ki arngut wa da dooh yei mynsien heipor yakhih ki paidbah hapoh i yahkhmat ka MIPRL.
Kamtæ ka seiñ da khut ko ya waroh ki tnat (unit) ka seiñ yow emlang ki ha ka tai ka sngi.
Discussion about this post