U pynman yalang paidbah ka TODWJA hadien wa rai wow pynman One Way ya ka NH 40 E

Amlarem: Hadien wa ka sorkar da rai ko wow pynman One Way ya u sarok NH-40 E ka seiñ Truck Owners and Driver of War Jaintia Association (TODWJA), u pynman ki da ka General Meeting ha kani ka 23 tarik uni u bnai hei yatoh wa ini ha Sohkha Weigh Bridge.

I pynman ya kani ka yalang toh hadien wa ka seiñ da yoh yutip ko wa ka ophis yong ka SDO Amlarem da yoh hukum ko na u Executive Engineer PWD (Road) Central Division, West Jaiñtia Hills District wow chna noh ya u sarok NH-40(E) Jowai-Amlarem-Dawki Road wei daw pynman One-Way ya uni u sarok nadooh 6 waje i step hadooh 9 waje i miet.

Ya ki truck wa mih na Dawki (Tamabil) yow lai cha Amlarem namo cha Jowai haap lai ki na u sarok Muktapur.

Hajrong ini ka seiñ da khut lang ko ya waroh ki dkhot ka seiñ yow ya wan ki cha kani ka yalang.