Kam chibynta wow pyntikna wa kiwa thap Vote tip ki yei rukom thap Vote, neiliang u Deputy Commissioner, West Jaiñtia Hills da pyntip u wa ka Election Branch daw pynman ko yaka EVM Awareness Programme yow pynsñiawthooh paidbah yei pynemkaam ya ki kor EVM.
Yeini daw leh ha waroh ki Polling Station ki Constituency ka West Jaiñtia Hills District kawa da sdang nadooh ka 13-12-23.
Mobile Demonstration Van (MDV) deiwa pait ki BLO Supervisor kamjooh kiwa kreh ka Election staff.
Da booh leh ya ka EVM Demonstration Centre (EDC) neibynta ki paidbah ha yung krehkaam u Deputy Commissioner (Election), West Jaiñtia Hills District, Jowai nadooh ka 19-12-23 wei kitu kiwa kwah wow tip yei krehkaam ki kor EVM ye ki wow wan nadooh 10:00 waje i step hadooh 1:00 waje i sngi ha ki sngi man kreh.
Discussion about this post