Ka DC ka East Khasi Hills da pyntip ko cha kiwa em hapoh ka District wa ka sorkar daw pynman ko yei thooh kyrpang namo ka Special Drive yow chem ya kitu kiwa tlot dooh hapoh ka imlang sahlang kam kiwa sah cha sarok, kiwa kit jhep, kiwa tyrwa mar cha rood sarok, ki wym em yung, kiwa dai yei doh i pran wa kitu kiwa em hei duna ha i doh i pran.
Kani ka Special Drive toh kawa daw leh da ka yungkrehkaam ka Deputy Commissioner (Supply), East Khasi Hills District, Shillong deiwa ya krehlang wa kiwi ki chnat sorkar wei deiwa ya pynbait wa ki waheh chnong yow thap pyrtuid hapoh ka NFSA yow yoh yarap na ki baam rachon.
Hadien wa da leh yeiwa emkaam yow pynsakhiat katkam ki kyndon kiwa pynmih da ka Directorate of Food Civil Supplies & Consumer Affairs, Meghalaya daw jied ya ki wym haap hapoh ka PHH wa kiwon wow haap hapoh ka AAY Category.
Wei kini ki kyndon wow jied toh katkam ka Letter No.PMU.5/2014/Pt.V/552-A Dated Shillong, the 19th October, 2020 heiwa hawa leh ya ini yow pynsakhiat hap wow rah ya u Aadhaar lane EPIC kiwa kwah wow yoh myntoi.
