Ka chnong Serin, Arunachal Pradesh kawa em ha ki loom wa jrong 2,000 Feet na sla duriaw kawa da chimpor wow lai kjat chi sngi yow poi cha kani ka chnong kawa em ha Tamen-Raga Block ka Kamle District, da ye ko u lehkmen kattu neidaw wa da yoh umkor ki katni ha man thlu yung.
Kani ka chnong toh ka chnong yong ki jaitbru Nyishi wei em kamwa 130 ngut wa sah ha ka wei lyngba ka Serin Water Supply Scheme, da yoh umkor lut ki waroh ki manyung yong kani ka chnong.
Kani ka chnong da em ko deiwa jngai 22 Km na u sarok wa paka wei nachwa hap ki wow lai jngai yow tong um iwa da booh hei eh khamtam ya kitu kiwa da heh rta.
Ka sorkar jylla Arunachal Pradesh da rai ko wow pynpoi umkor cha waroh ki manyung ka jylla chwa u 2023 hapoh yong ka Jal Jeevan Mission, kawa man kawi na ki thong krehkaam ka sorkar pyrdi wow pynpoi umkor cha waroh ki manyung yong ka ri.
Ka Arunachal Pradesh man ko ka jylla wa boon ki loom wei i rukom pynpoi um u man i katkam i bor Gravity heiwa ka um u kai ko na ki thaw pynlang wa em haneiñ ki chnong.
Dang nachwa ym jooh em ki Scheme um wa da kynthup ya ki thaw pynkhooid (Treatment) ya ka um tangwa hapoh ka Jal Jeevan Mission, ki Water Treatment Plant man ki leh ki bynta wa kongsan tam yong kani ka Scheme. Hadien wa pynkhooid ya ka um, daw pynlang ya ka ha i thaw wa da booh iwa em hajrong/haneiñ yong ka chnong wei neitæ daw pynpoi ya ka um cha ki manung da ki Pipe.
Kawi tawon ka chnong wow myntoi bha neini toh ka chnong Pumao kawa em ha ki loom wa jrong 3,900 Feet na sla durai ha Longding District, cha thaaiñ mihsngi ka jylla.
