U pynthymme ya ki Sticker yong ki kari kamai ka Jowai Region heidor T. 30 ka wi

Jowai : Ka yalang yong kiwa kamai kari Local Taxi hapoh ka West Jaiñtia Hills Jowai Region kawa da khut da ki ar tylli ki seiñbhalang kiwa kynthup ya ka Meghalaya People United Front wa ka Khasi Jaiñtia National Union, da man ko kawa lai bait ynnin ka 7 tarik ha madan Marian Hills Higher Secondary School.

Ya kani ka yalang da pyllai da u General Secretary ka KJNU u Bishar Samayang wei da yoh leh yei klam wa tbian na u president ka KJNU u Niman Shadap, na u general secretary ka MPUF u Aimonbha Syad katwa u president ka MPUF u D. Laloo da batai u ya ki kaam ki ar seiñ hei yatoh wa ki kari kamai.

Ha kani ka yalang da wan chimbynta da kiwa yah kari kamjooh ki tre kari kamai heiwa da yaklam yaphyrkhat hei yatoh wa chiboon i eh i khoo wa yatyngkhooh ki neipor cheipor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por ki ar seiñ da pyntip ki wa hadien wa da yachem ki wa ka tnat Law Department ka sorkar jylla, da pynche wa ymhoi u pynemkaam ya ka chaap hei dur ki khla næ ka National Emblem heiwa e kyntu wow kyrriah noh wei wow pynkylla noh ya ki sticker ka seiñ kiwa kamai kari heiwa ymhoi de u pynemkaam da ini i dur.

Ya kani ka hukum wa ya ki sticker wa thymme toh u e na ka Office u DTO na ka tnat Police Department kamwa da leh ha sor Shillong wei i dor kini ki sticker kam wa da rai ha ka yalang chirup wa u DC u man ko du T. 30 (ka wi).

Hadien wa da mynjur ya ki mat wa da yaklam da rai leh wow booddien ya ki kaam kiwa dang sah.