U pyntikna ka sorkar wa waroh ki khynnah skur u wan ki cha ka Museum wa dang wai thymme

U Montri Rangbah ka jylla, u Conrad K. Sangma ynne da wai u ya ka “Williamson Sangma Meghalaya State Museum” wa em ha U Soso Tham Auditorium, Shillong.

Kani ka Museum toh kawa da chna heitæ i rukom wow man katkam ka juk wa katni kawa khana bniah yei parom deiwa pynemkaam da ki QR-Code wa ki Interactive Digital Display.

Neiliang u Conrad da ong u kani man ko kam chibynta wow pynneh pynsah ya ka riti dustur deilang ka parom ka jylla nadooh kiwa yaleh yow yoh jylla.

Da pyntip u leh wa daw phah ya ka chnat Education yow lai yah ya waroh ki khynnah skur cha kani ka Museum yow tip wei sñiawthooh wei wow kheiñkor ki ya ka dustur riti ka jylla deiwa pynrap wa daw booh Museum ha kiwa boon ki bynta ka jylla deiwa sdang ha Tura wei i chna ya ki Design ha ki District Headquarter ka jylla da lai i chakhmat.

Related posts

Wa boon wa ngop hei dih drugs ki khon ka chnong, sdang ka Rymbai da ka Anti Drugs Abuse Committee

June 25, 2025

Chah ksoh ka kari Private wa kamai ha thaaiñ Sohra

June 25, 2025

Lyngba ka Chief Minister’s Research Grant (CMRG), da pynman yei thooh bniah chaphang ka riti dustur wei da pynemkaam leh ya ki AI yow pynkylla ktien wei da ye wow booh dei thoh ya 71 tylli ki yalehke tynre ki Garo. Chooh chooh da chem ya ki thaw yong rim wa em ki moopynyieñ ha Garo Hills kiwa ye u man nadooh u snem 1200 BC.

Ya kini waroh hadien wa dep u pynlum pynlang daw pynmih ki hei dur ka kot.