U pynuiñ ka GVK yaka tulop wa chah ah ha ka por yakhih: JSU

Jowai: Ka seiñ JSU seiñbei hapoh i yahkhmat u President ka seiñbei, u Lawyerson War wa u President ka Shillong Circle u Treiborlang R Suchen deilang wa ki dkhot ka seiñ, ynne ka sngi da lai yachem ki yaka HR yong ka GVK ka Amanda Warjri wa kiwi de ki heh ka GVK, hadien wa da dep e por chitayaw ya ka Company GVK wow pynuiñ noh ya ka tulop yong ki wakreh kiwa da chah ah tulop ha i por wa ki wakreh hapoh ka lama MEMRIWU ki dang pynman ki ya ka dam kreh kawa neh kamwa 3 sngi kam chibynta ka yakhih wow dawa yei hok yong ki.

Ka seiñ JSU hadien wa yoh ko wow yaklam waka HR wa ki heh yong ka GVK, da pdiang ki ya i dawa ka seiñ wow pynuiñ noh ya ka tulop kawa da chah ah ha i por wa pynman yakhih ki wakreh 108 wei ka seiñ da e por ko thij hadooh 20 tarik yong uni u bnai wow pynuiñ lut cha waroh kiwa chah ah tulop.

U Lawyerson War da ong u wa ka seiñ ka dawa ko na ka GVK wow su ya ka tulop wa chah ah cha waroh ki wakreh, chwa ka GVK u mih noh ko naka jylla wei da pynsñiaw u leh wa ka GVK ka da sdang ko wow lehbha ya ki wakreh katni nadooh wa yakhih ki iwa mut wa ka GVK ka chim kabu ko yei man lui lui ki wakreh 108.

Neiliang u Treiborlang R Suchen da ong wa ka HR khana che ko wa ka GVK ka yang ko su yaka hukum namo ka Notice na ka sorkar jylla wow mih noh naka jylla tangwa ym kwah u wan da kiwi ki Agency kiwa na baar wow wan pynlai yaka EMRI 108.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa wa ym toh u tyrwa lilam cha ki Company kiwa yatoh wa ki kaam i chait i khiah wei da kyrpaad leh ya u montri ka chait ka khiah u A.L. Hek wow pynneh hi ya ka EMRI 108 wei toh u pynlai noh da ka sorkar, wei ka sorkar toh u pynbiang poisa ko ya i emkaam yong kani ka chakri paidbah yow lait u tkoh i krehkaam ka EMRI 108 Service wei lada jia wa tkhoh daw booh i eh ya ki paidbah ka jylla.