U President ka National People’s Party (NPP) ha Arunachal Pradesh, u Thangwang Wangham ynne da ong u wa ka NPP u pynyakhun ko 30 ngut ki kyrtong ha ka Election MLA ka wow wan.
Da ong u wa i bynta wa kongsan toh wow e ya ki Ticket du ya kiwa ye u jop wei u kyrchaan ko yaka BJP wow chna sorkar wa u Pema Khandu kam u Montri Rangbah.
Ka NPP wa khlieh da u Montri Rangbah ka Meghalaya, u Conrad K Sangma toh ka dkhot ka North East Democratic Alliance (NEDA) kawa kyrchaan ya u Khandu.
U Wangham, uwa man MLA la le sien na Longding-Pumao Constituency tangwa da chah pynrem u ha u 2019 wei ha utai u snem ka NPP da pynyieñ ko 30 ngut ki kyrtong heiwa da jop 5 ngut.
Da ong u leh wa ka ka thong hi wa haphrang dooh toh wow pyndooh ya i drugs hapoh ka jylla, u pynku yaka puræ puthi, u pynmiat yei sumaar sukhær, ka rep ka riang wa kiwi de.
Ka Election MLA ha Arunachal daw pynman ha uni u snem.
Discussion about this post