Ki arngut ki MLA warim ka UDP u Bindo Lanong wa u Dr. Jemino Mawthoh deilang wa ki waheh chnong kiwa boon ki dong, ynne ka sngi da lai pait ki ya i thaw wa da thmu wow chna yaka Shopping Mall ha i thaw wa em ka yung krehkaam ka PWD ha Barik Point, Shillong.
U Bindo hei klam yong oo da ong u wa ya kani ka thaw da mut wow pynman yaka kam kiwa boon ki jait nadooh ka thaw uiñ pynngaad iwa da dep wow pynwan dur da uwi u Architect yow man kam ka Iconic Park.
Da ong u leh wa kani ka thaw toh kawa heh kamwa palat 3 Acre wei em ko hei thaw wa man pyrdi man kyrpang bha kawa man le dong iwa ye wow wanrah yei bha kamjooh yei eh iwa chong hei rukom pynemkaam, hei buit, i stat tangwa pyrchah ki wow chna yaka Shopping Mall ha kani ka thaw wei daw tyrwa ki leh yei buit yong ki ya iwa ye u leh ha kani ka thaw.
Chooh chooh da ong u wa ka sorkar chwa wow lai ko chakhmat toh u pyrkhat ko yei khynnia i chnong i thaw, ka rymaw kamjooh yei miat dur ka chnong ka thaw.
U Dr. Jemino Mawthoh won da ong u wa kamwa man ha ka manyung mansem ye wow em i ya yaphær yumut heini heitai tangwa ka manyung man ko kawa skem kamtæ hapoh ka sorkar synrop leh ye hi wow e yumut wei u kyntait yaka Shopping Mall wei wow wanrah daka Iconic Place ha kani ka thaw.
