Kam i dak wow pynsñiaw cha ki chkoor yong ka sorkar MDA hawa yatoh wa i eh wa i chah ieh khonswet yong u sarok yong ka Elaka Sumer uwa lai lynbga ki 4 chnong kiwa kynthup ya ka Pala, Kseh, Muknoor wa Khahnar.
Neiliang ka EJNC-Sumer Circle deilang wa ki 4 chnong kamjooh ka Elaka Sumer da iwi i sur da rai wow pynman noh da ka ‘Black Flag Peace Rally’ ha ka 15-09-2021 ha Khliehriat, East Jaiñtia Hills District.
Kani ka Rally u sdang ko nadooh Lad-Sutnga chadooh u Mot Sahnam u Woh Kiang Nangbah wa em ha pchem ka yung krehkaam u DC nadooh 10:30 i step chaneiñ.
