U sangeh noh ka India Post wow kit tiar cha USA

Ka Department of Posts ynne ka sngi da pynbna ko wow sangeh ya waroh ki Postal Services namo i pynpoi kot wa ki tiar na India cha ka United States of America nadooh ka 25 tarik uni u bnai hadien wa pynkylla ka US Customs ya ki kyndon krehkaam wa thymme.

Ka Executive Order No. 14324, wa pynmih ka sorkar USA ha ka 30 tarik u Naiynñiaw toh wow pyndam ya ka Duty-Free ya ki tiar kiwa chongdor hadooh USD 800 wei nadooh ka 29 tarik uni u bnai won waroh ki tiar wa phah da ka Post cha ka US hanla chongdor ki katwon katon leh daw hap ki wow su ya ka dan (Custom Duties) wei du ki mar wa chongdor hadooh USD 100 u man ki kam ki Duty Free.

I sangeh ka Postal Service toh hadien wa khai i kynaad hapyrdi ki ar ri (India wa USA) hadien wa u President Donald Trump da pynkrehkaam u 25% ka dan ya ka India deiwa ban sa ka 25% ka kuna hajrong i thied phñiang ka India na Russia heiwa waroh ka dan da man ko 50%.

Ka Department of Posts da ong ko wa nadooh ka 29 tarik uni u bnai waroh ki kot wa ki tiar cha USA u sangeh ki khlem kheiñ katwon chongdor ki u chim dan (Customs Duties) katkam ka International Emergency Economic Power Act (IEEPA). Deiwa pynrap wa ki tiar e sñiawbha (Gift Items) wa hapoh USD 100 u lai hi ki kamwa jooh.

Ki lieñsuiñ wa kit tiar cha US da pyntip ki cha ki bor sorkar wa ym ye de ki wow pdiang ya ki tiar wa phah cha USA nadooh ka 25 tarik uni u bnai neibhah wa ym pu em man ki kiwa da pynkhreh.

Kamtæ ka Department of Posts da rai ko wow sangeh chwa wow kit ya ki tiar cha USA nadooh ka 25 tarik uni u bnai lait noh ki kot wa ki tiar e sñiawbha kiwa hapoh i dor USD 100.

Chooh chooh ka Department da ong ko wa ki bru kiwa dadep chwa wow Book ya ki tiar yong ki ye ki wow phah pynuiñ ya ka poisa yong ka bai kit. 

Related posts

Lai e yarap wei e mynsien u Sniawbhalang ya ka manyung wa dooh ya ar ngut ki khon hei iñ yung

August 23, 2025

Pynkha chnat krehkaam ka PSM kawa tip kam ka Khliehriat Circle

August 23, 2025

Da ong ko leh wa dang booddien ko yei man i long wa waroh kiwa emkti.

Ka Deutsche Post DHL da ong ko wa ka German Parcel Service ym pdiang de ko ya ki Parcel wow lai cha US nadooh ka 25 tarik uni u bnai tangwa ka Premium DHL Express ym chah ktah ko wei ki bru samen dang ye ki wow phah ya ki Gift kiwa hapoh USD 100 tangwa daw hap pynrkhiñ yow lait kiwa em kiwa chim kabu.