Ki sahep ka MeECl hapoh ka lama yong ka Joint Action Committee (JAC) wa kynthup ya ka MeECL Engineers Association (MEA) ka Association of Power Engineer (APOE) waka MeECH Accounts Association (MAA) da yaroh ki ya ka sorkar jylla wa da chimkhia ko hajrong ki mat wa dawa ka chnat heiyatoh wa i rukom pynlai ya ka chnat deiwa rai ka sorkar wow pynwandur wei wow pynkylla yeini.
Neiliang ka JAC da ong ko wa hadien i rai ka sorkar jylla, neiliang ka JAC da rai ko wow pynduna yei yakhih yong ka ha waroh kawi ka jylla kamwa da thmu wow pynman nadooh ka 25 hadooh ka 28 tarik uni u bnai heiwa da rai wow daiñ du ya ki lama yong donhi ha ka 27 wa 28 tarik wow pyrchah ya ki kattu katni donhi ki kyndon krehkaam.
Ka JAC da ong ko leh ha ka chithi wa lyngba i rai sangeh yakhih da yooluti leh wow thung smat noh ya u bru wa em kyrdan IAS wow man kam u CMD ka MeECL neibhah wa ka bordiñ man ko kam kawi na ki kaam namo ki kreh wa ymhoi u sangeh ya kawa da tip leh kam ka Essential Service.
Chooh chooh ka JAC da dawa ko ya ka sorkar wow pynthymme yei rukom man ka MeECL Management namo i rukom pynlai yei rukom krehkaam yong ka.
