Jowai : Katkam ka yutip wada yoh naki bor District ka West Jaiñtia Hills ynne da pyntip wa u sdang yei kreh haka yingkieñ Kureliya nadooh ynne ka sngi.
Yeini da leh hadien wada booh ya ki pulit wow sonteri ya kiwa kreh ha kani ka yingkieñ kawa kaap yaka wah Myntang naka chnong Tihwieh cha Khatkasla.
Kamwow pynkynmoo wa yei kreh ha kani ka yingkieñ da phah sangeh nadooh ka 23 Thohlakhmi (February) wei neiliang ki bor District da kwah ki u pynkhreh yaka yingkieñ tangwa neidaw wa pynsangeh ki pulit Assam da dam u kreh ya kani ka yingkieñ.
Neiliang ki bor District da pyntip ki wa daslem wa angnood ki paidbah khappood ya kani ka yingkieñ khamtam kiwa na ka chnong Sahsniang, Tumtum, Tihwieh, Khatkasla, Psiar, Moolabær wa kiwi kiwi kiwa da yang hadooh kamwa 10 snem ya kani ka yingkieñ yooluti ki leh wa daw pynman sakhiat yeini i thrang ki paidbah ha chwa u jur biang u slap.
Discussion about this post