Ka MeECL da pyntip ko wa neidaw wa da pynduna biang ka NTCP wow e bordiñ cha ka jylla, kamtæ da hap biang wow leh yei pyndooh bordiñ namo ka Load Shedding kawa daw sdang nadooh ka 2 tarik uni u bnai.
Ini i pyndooh bordiñ wa katni toh iwa 6 kynta chi sngi, iwa sdang nadooh pyrdi synyaw heiwa yaka ri-loom Jaiñtia waroh kawi toh iwa sdang nadooh 6 waje i step hadooh 9 waje i step wei iwa pteiñ biang nadooh 3 waje i janmiet hadooh 6 waje i miet.
Ka MeECL da pyntip ko leh wa ini por wada pynbna wow pyndooh bordiñ toh iwa ye u pynkylla ha iwon iwon i por.
Kam wow pynkynmoo wa ini wa dep, ka MeECL da pynbna ko yaka Load Shedding haka 14 tarik uni u bnai iwa da ye won wow pyndam haka 17 tarik hadien wa ka sorkar Meghalaya da kular ko wow su yaka bai bordiñ wa sah kawa T. 74.65 klur cha ka PGCIL.
I rukom pyndooh bordiñ iwa katni man i kamni ha wah:
