Kiwa kamai kari ha West Jaiñtia Hills hadien wa yachem ki seiñ yong ki nadooh kiwa kamai Tourist, Local Taxi, ki Maxi Cab, ki Bus wa kiwi kiwi wa u DC ka District ynne ka sngi ha Jowai, da chim ki yaka rai wow sdang biang ki u kamai kari nadooh mynstep ka 12 tarik ha waroh kawi ka West Jaiñtia Hills District.
Hawa yaklam wa u DC ka West Jaiñtia Hills da pyntip u wa kiwa kamai kari da ong ki wa im hi ki deiwa kamai da i dor wa da booh ka sorkar wa da pynbna thymme haka 13-01-20 hanla ku dor i phniang kari leh.
Da pyntip chooh chooh u wa ya ini i dor heipor wa mut u pynkrehkaam da kiwa kamai kari, ki paidbah ym bien ki wow su ha ini i dor thymme.
Heiyatoh won wa i rukom thap bru, u DC da pyntip u wa da chah hi u thap kamwa jooh katkam ki kyndon ka aiñ wa krehkaam nadooh chwa ka khlam COVID-19.
Heijooh i por da ban u wa ini i dor ym toh iwa da pynmih thymme wei kiwa da em chwa wow em ka khlam tangwa ym ye kiwa kamai kari wow pynkrehkaam ki.
Heiyatoh won wa i bai kari, u DC da pyntip u wa da kheiñ dei yong Kilometer heiwa yaki kari kamai Tourist da man T. 18 chi kilometer wei lada kheiñ hadooh Shillong da tam ko T. 200 uwi u bru tangwa kiwa kamai kari da hun ki wow chim T. 200 samen na Jowai-Shillong. Kamtæ da ong u wa kiwa kamai ye ki wow booh yei dor tangwa ym toh u palat ki yei dor wa da booh ka sorkar.
Heiyatoh wa ki Local Taxi, i dor man i T. 26 ya ka Kilometer wa nyngkong katwa T. 13 Km man ka Kilometer wa bood tangwa kamwa chong kari cha i deiwa ya chong yonglang ye ko wow man T. 20 samen hawa lai na Iawmusiang chadooh Ladthadlaboh wei T. 10 manda hiar na Ladthadlaboh cha Iawmusiang.
Hawa yaklam wa kiwa kamai kari da pyntip ki wa daw pynbna ki yei dor chibet.
I dor wa da booh ka sorkar man ki kamni ha wah:
