Neiliang u Deputy Commissioner ka East Jaiñtia Hills District da pyntip u wa daw pynchna noh ya ka yingkieñ wa em ha Sonapur wei ini daw pynthut ko yei lai i wan ki bru wa lai lyngba u sarok Jowai-Ratacherra.
I pynchna ya kani ka yingkieñ u sdang i nadooh ka 04-02-22 hadooh wa ye u pyndep wei yei lai i wan ki kari leh da booh dei por.
Nadooh 7:00 waje i step hadooh 1:00 waje i sngi iwa man 6 kynta wa daw pynman yei kreh ha kani ka yingkieñ daw khang yei lai i wan ki kari.
Nadooh 1:00 waje i sngi hadooh 4:00 waje i janmiet iwa man 3 kynta, daw chah u lai ki kari na kani ka yingkieñ.
Nadooh 4:00 waje i janmiet hadooh 10:00 waje i miet iwa man 6 kynta wa kreh ya kani ka yingkieñ, daw khang yei lai i wan ki kari.
Nadooh 10:00 waje i miet hadooh 7:00 waje i step iwa man 9 kynta wa dam kreh, daw chah biang wow lai ki kari.
Ini mut wa 12 kynta u chna wa 12 kynta u wai ya ka yingkieñ wei ini da antaad u pteiñ i hadooh 45 sngi.
