Shillong: Ka Meghalaya daw sdang ko yaka yalehke wa nyngkong haka Hero Junior National Football Championship (Tier 1) ka Dr. BC Roy Trophy pyrchah yaka Haryana mynstep ka 28 tarik heipor 4:00 waje i janmiet ha JN Stadium, Polo. Ka bai psiah man ko mynkna ya kiwa wan paitke.
Ka lympung u sdang ko heipor 9:30 i step da ki artylli ki yalehke. Haka Third Ground, ka Defending Champion, ka Mizoram daw yachem ko waka Goa haka Group A, katwa ka Odisha daw yachem ko waka Sports Authority of India haka Group B ha JN Stadium. Heipor 2:00 waje i sngi, ka Uttar Pradesh daw yachem ko waka Delhi haka Third Ground.
U Sports and Youth Affairs Minister, u Banteidor Lyngdoh daw emlang u haka yalehke wa nyngkong ka Meghalaya.
Hawa yaklam wa kiwa thoh khubor ynne ka sngi, u Coach ka Meghalaya u Bobby Lyngdoh Nongbet da ong u, “Hap i wow chim ya kawi ka yalehke hadien ka wi. I yooluti man ko kawa heh khamtam wa da pynman yaka Tournament ha chnong. Ka Youth Development Cell ka Meghalaya Football Association da pynman ko yei jied ya kiwa yalehke wa bniah bha ha kylleiñ ka jylla wei kiwa yalehke da krehchitom ki wow pynkhreh bha.”
“Ki Haryana daw yoh kabu ki nei jrong rynyieñ ki wei ym ye wow kheiñstiñ ya ki. Sñiawtikna O wa kiwa yalehke yong i daw e ki ka yakhun wa bha tam,” da ong chooh chooh u Coach.
Hawa yaklam wa kiwa pathai khubor da emlang leh u Captain ka Meghalaya u Gladdy Kharbuli, uwa ong, “Da pynkreh i kam kawi ka liang la chibnai chiteiñ wei da ya tip bha i uwi ya uwi wei u krehchitom yow yoh yei jop. Kmen i leh wow yoh u yaleh haka Dr. BC Roy Trophy pyn hapoh ha jylla wei emkaam i leh ya ki paidbah wow wan kyrchaan ki yow yoh yei jop.”
Kiwa yalehke ka Meghalaya: Teibokstar Lyngkhoi, Iohborlang Lyngdoh Lyngkhoi, Saveme Tariang, Henryford Nongneng, Teibokmi Lyngdoh, Tremiki Lamurong, Benjamin Diengdoh, Gladdy Kharbuli, Ioanis Suchen, Glennys Lynrah, Wadajied Kynsai Ryngkhlem, Jefferson Kharbuli, Hamedamanbha Wahlang, Sangti Janai Shianglong, Kenny Sangma, Arlangky Nongsiej, Kitborlang Kharpran, Pynkhraw Kupar Kharbuli, Gunguntyron Arengh, Wanteilang Malngiang.
Officials: Bobby Lyngdoh Nongbet (Coach), Kitbor Kharkongor (Manager), Sushma Thapa (Physio).
Ki yalehke mynstep:
Group A (Third Ground) – Mizoram vs Goa (9:30am); Uttar Pradesh vs Delhi (2:00pm)
Group C (JN Stadium) – Odisha vs Sports Authority of India (9:30am); Haryana vs Meghalaya (4:30pm)
Ha i dur : Meghalaya Coach Bobby Lyngdoh Nongbet (na tidiang) wa u Captain Gladdy Kharbuli.
Discussion about this post